ភ្នំពេញ៖ នាយករដ្ឋមន្ត្រីកម្ពុជាសម្រេចធិបតី ហ៊ុន ម៉ាណែត បានលើកឡើងថា ជាឪពុកម្ដាយទោះជារវល់យ៉ាងណាគួរព្យាយាមចំណាយពេលវេលាជាមួយកូនៗដែលបានច្រើន។
សម្ដេចបានសរសេរដោយបង្ហោះអមជាមួយនឹងរូបសម្ដេចជាមួយនឹងកូនស្រីនៅលើបណ្ដាញទំនាក់ទំនងសង្គមរបស់សម្ដេច នារសៀលថ្ងៃអាទិត្យ ទី១៩ ខែវិច្ឆិកា ឆ្នាំ២០២៣ នេះដោយបានលើកឡើងថា៖ «ពេលវេលាពិតជាដើរលឿនណាស់ ហើយកូនៗរបស់យើងម្នាក់ៗ ពួកគេក៏ធំលឿនដែរ... តែមួយភ្លែត ពួកគេនឹងរីកធំធាត់ទាំងរូបកាយ បញ្ញាញាណ ហើយឯករាជ្យភាពនិងការទទួលខុសត្រូវរបស់ពួកគេក៏កើនឡើងដែរ ជាពិសេសពេលដែលពួកគេត្រូវមានភាពម្ចាស់ការក្នុងការរស់នៅដោយខ្លួនឯង និងមានគ្រួសាររៀងៗខ្លួន។ ពេលនោះ ពេលវេលានៅជាមួយឪពុកម្តាយ ក៏មិនមានច្រើនដូចដែលកាលពីពួកគេនៅក្មេងដែរ»។
ដោយហេតុនេះហើយសម្ដេចបានជំរុញឪពុកម្ដាយគួរចម្លើយពេលវេលាឲ្យបានច្រើនជាមួយនឹងកូនៗរបស់ពួកគាត់។
សម្ដេចថា៖ «ហេតុដូច្នេះ ទោះជារវល់យ៉ាងណា គួរព្យាយាមចំណាយពេលវេលា ជាមួយកូនៗអោយបានច្រើន»៕
